17 Тохсунньу 17.01
  • -48°
  • $ 73,82
  • 83,32

Россия Геройа Варвара Устинова Саха сириттэн Путин итэҕэллээх киһитинэн буолла

16:57, 24 января 2018
Текст:

Ааспыт нэдиэлэҕэ Быыбар киин хамыыһыйата Владимир Путин итэҕэллээх дьонун регистрациялаабыта. Саха сириттэн “Анаабыр алмаастара” генеральнай дириэктэрэ Павел Маринычев уонна Эстрада тыйаатырын дириэктэрэ Алексей Егоров киирбиттэрэ.


Владимир Путин Саха сириттэн үһүс итэҕэллээх киһитинэн Россия Геройа Варвара Устинова ааттанна. Ол аата Варвара Михайловна президеҥҥэ кандидат регионнааҕы быыбардыыр ыстаабын хос бэрэссэдээтэлинэн буолла.

Устинова Варвара Михайловна

1959 сыллаахха от ыйын 23 күнүгэр Алдан улууһун Канку бөһүөлэгэр төрөөбүтэ.

1976 сыллаахха Бэрдьигэстээхтээҕи орто оскуоланы үөрэнэн бүтэрэр.

1976 сыллаахха Ленинград уобалаһынааҕы Лисинскэйдээҕи ойуур техникумугар үөрэнэ киирбит.

1979 сыллаахха Орто Халыматааҕы лесничествоҕа техник-лесоводунан ананан үлэлээбитэ.

1984 сыллаахха Сибиирдээҕи технологическай институту үөрэнэн бүтэрбитэ.

38 сыл устата техник-лесоводунан, кылаабынай леснигинэн, ойуур хаһаайыстыбатын дириэктэринэн, ойуур тэрилтэтин дириэктэринэн үлэлээтэ.

Хаҥалас улууһугар 1985 сылтан лесничэйинэн үлэлиир.

0
0
17 января 17.01
  • -48°
  • $ 73,82
  • 83,32