Олунньу 23 күнүгэр «Россия» ханаалга Андрей Малахов бырагырааматын эфиригэр Аҕа дойдуну көмүскээччилэр күннэригэр анаммыт биэрии тахсыаҕа. Манна Саха сириттэн Россия Геройа Алексей Неустроев кыттыаҕа диэн ЯСИА-ҕа Уус Алдан улууһун Байаҕантай нэһилиэгин баһылыга Савва Егоров иһитиннэрдэ.
Алексей Неустроев 2023 сыл атырдьах ыйын 8 күнүгэр Российскай Федерация президенин ыйааҕынан «Кыһыл көмүс Сулуһу» ылбыта.
Кинини кытта «Русский характер» бөлөх солиһа, бойобуой дьайыылар бэтэрэннэрэ, Приднестровья норуодунай артыыһа Юрий Кононов бырагыраамаҕа кыттар. Аар-саарга аатырбыт «Русский танк «Алёша» ырыаны толоруоҕа.
Лейтенант, Россия Геройа Александр Леваков биэриигэ кыттара күүтүллэр.
This post was published on 11.02.2025 13:01 13:01