Анал байыаннай дьаһал кыттыылааҕа, Россия Геройа Александр Колесов Дьокуускайга чуолкайдык ытыыга киини салайар буолла. Ол туһунан регион салалтатын дьаһалтата иһитиннэрдэ.
Киин үлэтин өрөбүлгэ РФ бырабыыталыстыбатын бэрэссэдээтэлин солбуйааччы – РФ президенин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев көрдө. Кини бэлиэтээбитинэн, Саха сирэ өссө Аҕа дойду улуу сэриитин кэмигэр снайпердарынан, бэргэн ытааччыларынан биллэрэ, онон ити манна үөрэнэр дьоҥҥо холобур буолар.
Трутнев эппитинэн, чуолкайдык ытыы киинэ Уһук Илин эрэ регионнарыгар буолбакка, дойдуга бүттүүн үлэлиэҕэ. Саҥа салайааччы Александр Колесов анал байыаннай дьаһал туһунан иһиттэн билэр, өйдүүр, кыайыыга туох наадатын билэр.
Санаттахха, киин тутуута 2022 сыл ахсынньытыгар саҕаламмыта, Юрий Трутнев сорудаҕынан. Бэлэм эбийиэк бүгүн үөрэнээччилэри көрсөр.
Трутнев манна өссө элбэх үлэ күүтэрин бэлиэтээтэ, үрдүк таһымҥа тахсарыгар. Полигоҥҥа үчүгэй техническай тэриллэр, үөрэтии методикатын сөпкө тэрийэргэ, экстра-кылаастаах ытааччылары бэлэмнииргэ анаммыт боекомплект саппаастара баар буолуохтара.
Регион баһылыга Айсен Николаев эппитинэн, эбийиэк дойдуга улахан оруоллаах. Манна байыастары бэргэнник ытыыга, сөпкө туттарга үөрэтиэхтэрэ. Снайпердары бэлэмнээһиҥҥэ үрдүкү кылаастаах инструктордар үлэлиэхтэрэ. Үөрэтэр-тренировкаланар полигон иэнэ 400 гектар.
This post was published on 03.07.2023 12:24 12:24