Предпринимательство күнүгэр Москваҕа ВДНХ-ҕа «Россия» быыстапка-пуорумҥа «Саха сиригэр оҥоһуллубута» интернет-платформаны көрдөрдүлэр. Маркетплейс олохтоох оҥорон таһаарааччылар табаардарын өйүүргэ уонна киэҥ араҥаҕа таһаарарга аналлаах.
Платформа аан дойду ханнык баҕарар муннугуттан Саха сиригэр оҥоһуллан тахсыбыт табаары сакаастыырга кыах биэрэр. Манна бренд тустарынан киэҥ араҥаҕа кэпсэнэр, саҥа атыылаһааччылары буларга тирэх буолар.
Платформа сүрүн уратыта диэн – клиент оҥорон таһаарааччыны кытта быһа кэпсэтэр. Манна туризм туһунан хайысха эмиэ баар.
Платформа Владимир Путин көҕүлээбит «Малое и среднее предпринимательство» национальнай бырайыак чэрчитинэн тэриллибитэ.
ВДНХ-тааҕы презентация кэмигэр сэлии муоһуттан маллары уонна туой иһиккэ уруһуйга маастар-кылаас ыыталлар.
This post was published on 28.02.2024 09:33 09:33