НВК САХА – Норуоттар дьыалаларынан федеральнай агенствота Хотугу аҕыйах ахсааннаах төрүт норуот учуотун ыытыыга болномуочуйатын кэҥэтии туһунан ыйытыы оҥордо. Бу туһунан Ил Түмэн пресс-сулууспата иһитиннэрдэ.
«Саҥа сокуон бырайыагынан аҕыйах ахсааннаах төрүт норуоттарга киирсэр дьон учуотун ыытыы ис тутула, бэйэ баҕатынан бу норуоттарга киирсии бигэргэтиитин нөҥүө барыа», — диэн этиллэр.
Ааҕыыны норуоттар дьыалаларынан федеральнай агентство дьонтон киирбит сайабылыанньанан уонна общиналар биэрбит иһитиннэриилэринэн ыытыа.
Россияҕа аҕыйах ахсааннаах төрүт норуоттарга араас социальнай чэпчэтиилэр көрүллэллэр. Ол эрээри, сокуон быһыытынан быһаарыы ис тутула олохтоно илик. Бырайыак олоххо киириитэ бу эйгэҕэ бэрээдэк олохтуурга уонна чэпчэтиилэри туһаныыга кэһии тахсыытын намтатар кыах биэриэҕэ.
Источник: http://nvk-online.ru
This post was published on 02.09.2019 17:46 17:46