«Россия» авиахампаанньа эксклюзивнай көрүҥнээх сөмүлүөтэ Дьокуускай аэропордугар көтөн кэлэ сырытта. Ураты «Спортолет» хаартыскаларын салгын тэрилтэтин пресс-сулууспата көрдөрдө.
«Бу спортивнай дьүһүйүү — дьиҥнээх искусство айымньыта: кутуругар биир өттүнэн хорсун хоккейист, иккис өттүнэн динамичнай футболист. Оттон бортунан — грациознай гимнастка уонна элегантнай фигуристка. <…> Хас биирдии элемен хамсааһыҥҥа, кэрэҕэ, үрдүккэ дьулуһууга — спорка да, олоххо да көҕүлүүргэ айыллыбыт!» — диэн пресс-сулууспаҕа бэлиэтээтилэр.
Норуот куоластааһынын нөҥүө «Спортолет» диэн ааттаммыт Airbus A319 сөмөлүөтү 2018 сыл ыам ыйыгар билиһиннэрбиттэрэ. «Россия» авиахампаанньа бырайыага Россия спортсменнарын күрэхтэһиилэригэр, ол иһигэр аан дойду далааһыныгар өйүүргэ, ыалдьааччылар сомоҕолоһууларын, спортивнай тыынын уонна көхтөөх олох сыаннастарын бөҕөргөтөргө аналланар. Лайнер Арассыыйа биир куоратын аатын сүгэр – «Ростов-на-Дону».
This post was published on 06.03.2026 10:03 10:03