12 Атырдьах ыйа 12.08
  • 16°
  • $ 60,62
  • 62,52

Россияҕа «Земский работник культуры» бырагыраама үлэлиэн сөп

10:01, 12 февраля 2021
Текст:

Тыа сиригэр үлэлии барар исписэлиистэри өйүүр бырагыраама Россияҕа баар буолуон сөп. Култуура министиэристибэтэ «Земский работник культуры» бырайыагы бэлэмнээтэ. Уһук Илин барааччыларга көрүллэр төлөбүр икки төгүл элбэх буолуон сөп, атын регионнардааҕар. Ол туһунан туһааннаах миниистир Ольга Любимова «Российская газетаҕа» кэпсээтэ.


«Земский работник культуры» бырагыраама хаһан олоххо киириэн сөбүй?

«Кадр боппуруоһа күүскэ турарын билэбит, — диэтэ Ольга Любимова. — Федеральнайдааҕы театрдарга уонна музейдарга кытта бу кыһалҕа баар. Тыа сирин култуураларын дьиэлэрин туһунан этэ да барыллыбат. Онон биһиги бэйэбит бырагыраамабытын биллэриэхтээхпит. Буолаары буолан биһиги коллегаларбыт  «Земский врач» уонна «Земский учитель» бырайыактар үчүгэйдик үлэлииллэрин билэллэр».

Миниистир эппитинэн, «Земский работник культуры» оҥоһуллубут бырагыраама бырайыага баар. Онно сурулларынан, Уһук Илиҥҥи региоҥҥа тыа сирин уонна кыра куораттарга үлэлиир исписэлиистэргэ икки мөл солк тиийэ биир кэмнээх төлөбүр оҥоһуллар, атын регионнарга ити суума биир мөл солк.

«Бу бырайыак эрэ, — чуолкайдаата Ольга Любимова. — Биһиги оҥорон баран сөбүлэһиигэ атын интэриэстээх уоргаттарга ыыталаабыппыт. Биһиги суоттааһыммытынан бу докумуон олоххо киирдэҕиннэ, 6 сылга 9 тыһ исписэлиис тыа сиригэр үлэлиэхтээх». 

Следите за самым важным и интересным в Telegram-канале и WhatsApp-группе ЯСИА
0
0