Президент Владимир Путин дойдуга икки саҥа бырааһынньыгы — төрүт олохтоох аҕыйах ахсааннаах норуоттар Күннэрин уонна Россия норуоттарын тылларын Күнүн бэлиэтиир икки ыйаахха илии баттаата.
Россия төрүт олохтоох аҕыйах ахсааннаах норуоттарын Күнүн муус устар 30 күнүгэр бэлиэтиэхтэрэ. Докумуоҥҥа бэлиэтэммитин курдук, көҕүлээһин «Россия төрүт олохтоох аҕыйах ахсааннаах норуоттарын үгэс буолбут олоҕун, хаһаайыстыбаннай үлэтин, бултааһынын уонна ураты култууратын харыстыыр» сыалтан ылылынна.
Иккис бырааһынньыгы — Россия норуоттарын тылларын Күнэ — дойду барыта балаҕан ыйын 8 күнүгэр бэлиэтиэҕэ.
Докумуоннар илии баттаммыт күннэриттэн, ол эбэтэр сэтинньи 4 күнүттэн күүһүгэр киирдилэр.
This post was published on 05.11.2025 12:22 12:22