Арассыыйаҕа Горнайдааҕы кииннэммит библиотечнай ситим кылаабынай библиограбын Анастасия Ивановна Заровняева научнай үлэтэ бастыҥнар ортолоругар бэлиэтэннэ.
Сэтинньи ый 28 күнүгэр Москва куоракка бүтүн Арассыыйатааҕы библиотекалар куонкурустарын түмүгэ таҕыста.
«Бастыҥ региональнай научнай үлэ» номинацияҕа библиограф Анастасия Ивановна Заровняева «Горный улус: история и современность (XIX-начало XXIв.)» үлэтэ кыайыылааҕынан ааттанна. СӨ национальнай библиотекатын директора С.В.Максимова: «Арассыыйаҕа саамай саастаах библиотека куонкуруһугар Саха Өрөспүүбүлүкэтиттэн бастакынан кыайыылаах буоллугут», — диэтэ.
Анастасия Ивановна Арассыыйа культуратын министиэристибэтин бочуоттаах дипломунан, 80 тыһ.солк бирииһинэн наҕараадаланна.
Хаартысканы ааптар тиксэрдэ.
Үлэтигэр бэриниилээх, уопуттаах биир идэлээхпитин Арассыыйаҕа үрдүктүк сыаналаммытынан астынабыт, киэн туттабыт, ис сүрэхпититтэн эҕэрдэлиибит, диэн СИА-ҕа суруйда бибилэтиэкэ кэлэктиибэ.
This post was published on 29.11.2023 18:01 18:01