19 Кулун тутар 19.03
  • -9°
  • $ 91,98
  • 100,24

Россияҕа бастакынан мас-рестлиҥҥа спорт үтүөлээх маастара ааты Иван Галкин ылла

16:30, 08 февраля 2023
Текст:
Дьулустан Сергеев, ЯСИА
Читайте нас на
Яндекс Новости
ЯДВ

Калужскай уобалас спортсмена Иван Галкин дойдуга бастакынан мас-рестлинг спордугар Россия үтүөлээх маастара буолла. РФ спортка министиэристибэтин бирикээһэ ахсынньыга тахсыбыта, суруйар СИА.

Галкин аан дойду икки төгүллээх чемпиона, 2021 сыллааҕы аан дойду чемпионатын муҥутуур кыайыылааҕа, аан дойду Кубогын хаһаайына. Бу күрэхтэһиилэргэ Саха сирин спортсменнара эмиэ кыайыылардаахтар, ити эрээри докумуоннар хойутаан тиксэриллибиттэр.

СИА-ҕа Иван Галкин эрдэ кэпсээбитинэн, мас-рестлины кытта кини 2016 сыллаахха билсэр, оччолорго юниордарга Россияҕа бастыыр. Кини норуоттар ардыларынааҕы кылаастаах спорт маастарын аатын эмиэ бастакылар кэккэлэригэр ылбыта.

Мас-рестлинг Россиятааҕы Федерацията иһитиннэрбитинэн, Саха сириттэр бастакынан Россия үтүөлээх маастара ааты аны икки-үс ыйынан ылыан сөптөөх кандидатура баар. Докумуон сөбүлэһиннэриитигэр аан дойду үс төгүллээх чемпиона Уус Алдантан Дмитрий Попов сылдьар. Бу күннэргэ кини Саха сирин чемптонатын 10 төгүллээх кыайыылааҕынан буолбута.

Следите за самым важным и интересным в Telegram-канале и WhatsApp-группе ЯСИА
Тутаах тыллар