Кини эппитинэн, улахан хамаанда Москваттан кэлэр: 59 кыттааччы уонна 15 арыаллааччы. Муус устар 4 күнүгэр Дьокуускайга көтөн кэлэллэр.
Олимпиаданы муус устар 12 күнүгэр Судаарыстыбаннай циркэ дьиэтигэр арыйыахтара, сабыллыыта муус устар 17 күнүгэр «Сергэлээх уоттара» култуура киинигэр буолуоҕа.
«Өрөгөйдөөх тэрээһиннэр уонна научнай-лекциялар Улуу Кыайыы 80 сылыгар ананаллар, ВСОШ14.рф саайтка быһа көстүөҕэ», — диэтэ Василий Павлов.
Дьокуускайга ыытыллар олимпиадаҕа, «Азия оҕолоро» оонньуулар кэмнэригэр үлэлээбит ситуационнай штаб, бэлэмнээн ыытыаҕа.
Олимпиадаҕа Саха сирин аҕыс оҕо көмүскүөҕэ, регион таһымыгар үрдүк баалы ылбыттар — 91,12. Олор ортолоругар Ирина Федорова, ааспыт сыллааҕы призер быһыытынан, кыттыаҕа.
«Призердар уонна кыайыылаахтар Россия үрдүк үөрэҕин кыһаларыгар эксээмэнэ суох киирэллэр, кыттааччылар үөрэххэ киириигэ эбии баалы ылаллар», — диэтэ Василий Павлов.