2025 сылга Биир кэлим эксээмэҥҥэ (БКЭ) кыттар туһунан сайабылыанньа олунньу 1 күнүн киллэрэн туран бэриллэр. Ол туһунан үөрэххэ уонна наукаҕа кэтээн көрүү Федеральнайдааҕы сулууспата санатта.
Нуучча тыла уонна математика булгуччулаах предметтэр. Атыттар талыы бэрээдэгинэн уонна үрдүк үөрэххэ туттарсар баҕалаахтарга наадалаах.
Олунньу 1 күнүн кэнниттэн талбыт предмеккин уларытар уустуктардаах. Ыарыйдахха эбэтэр дьиэ кэргэн кыһалҕатынан уларытыахха сөп, ону бигэргэтэр докумуоннардаах, ыспыраапкалардаах буолуохтааххын.
Оскуоланы бүтэрээччилэр сайабылыанньаларын оскуолаларыгар биэрэллэр, экстерннар – судаарыстыбаннай аккредитациялаах оскуолаларга, ааспыт сыллааҕы выпускниктар — БКЭ-ни туттарар регистрациялаах сирдэригэр.
2025 сылга БКЭ үс түһүмэҕинэн ыытыллар:
- болдьох иннинэ эрдэ — кулун тутар 21 — муус устар 21 күннэрэ;
- сүрүн — ыам ыйын 23 — бэс ыйын 23 күннэрэ;
- эбии — балаҕан ыйын 4 — 23 күннэрэ.
This post was published on 13.01.2025 18:01 18:01