Биир кэлим эксээмэни онлайн киэбинэн туттарыы кэлэр 5 — 10 сылга былааннаммат уонна дьүүллэһиигэ турбат. Ол туһунан ТАСС «Рособрнадзор» салайааччыта Анзор Музаевка сигэнэн суруйда.
«Мин кэлэр 5 — 10 сылы этэбин. Биһиги онлайн киэпкэ көспөппүт. Ол туһунан толкуйдаабаппыт даҕаны», — диэтэ кини оҕолору, төрөппүттэри, учууталлары кытта «Россия» норуоттар ардыларынааҕы быыстапка-пуорумҥа көрсүһүүтүн кэмигэр.
Музаев быһаарбытынан, билигин технологиялар онлайн-эксээмэн ыытыллыытын тэрээһинин толору хааччыйбаттар, интернет түргэнэ регионнарга араастаһар.
This post was published on 30.11.2023 16:22 16:22