Полимертан каток, пластиковай муосталар, куорат күөллэригэр балыгы ыытыы, сир аннынааҕы ууну иһэргэ туһаныы уо.д.а учуонайдар Дьокуускайга олоххо киллэрэргэ этии киллэрдилэр. Наука үлэһиттэрэ уонна мээрийэ көрсүһүүлэрэ ыытылынна.
“Биһиги куораты кытта үлэлииргэ бэлэммит. Куорат баһылыга Айсен Николаев биһиги идеяларбытын сэргээбититтэн астынныбыт”, — диэтэ РНА СС ССНК бэрэссэдээтэлэ Михаил Лебедев.
Ньиэп уонна гаас проблемаларыгар институт полимернай матырыйаалтан каток бырайыагын көрдөрдө. Маны техническэй наука доктора Савва Попов айан оҥорбут. “Оҥорон таһаарыыга, таҥыыга даҕаны сыаната чэпчэки. Маннык каток “Туймаада” эргиэн киинигэр туһаныллар”, — диэн бэлиэтээтэ Савва Попов.
РНА СС Ирбэт тоҥу үөрэтэр института эмиэ интэриэһинэй айан таһаарыылаах. “Марха уонна Сатал курдук куорат таһынааҕы бөһүөлэктэргэ нэһилиэнньэ иһэр ууга эрэйи көрөр. Маны сир аннынааҕы ууну туһанан быһаарыахха сөп. Маныаха литийы ыраастыыр аппараты оҥордубут”, — диэтэ геолого-минералогическай наука хандьыдаата Надежда Павлова.
Көрсүһүүгэ өрүттэр бииргэ үлэлээһин туһунан докумуоҥҥа илии баттастылар.
СИА.
This post was published on 15.05.2018 16:09 16:09