РФ президенэ Владимир Путин ыйааҕынан, анал байыаннай дьайыы кэмигэр билиэн түбэспит эбэтэр сураҕа суох сүппүт байыаннай сулууспалаахтар оҕолоругар ыйдааҕы төлөбүр олохтонно. Дьаһал контртеррористическай эппэрээссийэ зоналарыгар уонна Сирийскай Арабскай Өрөспүүбүлүкэҕэ анал соруктары толорооччулары эмиэ хабар.
«Төлөбүр суумата субъекка оҕо тиийинэн олоруутун кээмэйигэр тэҥ. 2025 сылга Саха Өрөспүүбүлүкэтигэр ити суума 25 974 солк тэҥ. Билигин бырабыыталыстыба бэрээдэги оҥорор», – регион бырабыыталыстыбатын бэрэссэдээтэлин солбуйааччыта Георгий Степанов эттэ.
Вице-премьер чуолкайдаабытынан, төлөбүр хамандыыр байыаннай сулууспалаах билиэҥҥэ тутуллубутун эбэтэр сураҕа суох сүппүтүн туһунан этиллэр бирикээһигэр ыйыллыбыт күнтэн-дьылтан оҥоһуллар. Төлөбүр 2024 сыл ахсынньы 1 күнүн кэнниттэн тахсыбыт бирикээстэргэ сигэнэн бэриллэр.
This post was published on 13.01.2025 15:02 15:02