24 От ыйа 24.07
  • 16°
  • $ 87,3
  • 95,46

РФ обронаҕа министиэристибэтэ Арктикаҕа уон аэродрому тутуоҕа

12:11, 11 июля 2016
Текст:
Читайте нас на
Яндекс Новости
ЯДВ

Россия обронаҕа министиэристибэтэ Арктикаҕа 10 аэродрому тутар уонна саҥардар соруктаах. Ити туһунан «Известия» иһитиннэрэр.


«Арктикаҕа алта сиргэ Россия байыаннай эбийиэктэри тутар. 2016 сылга байыаннай горнизоннарга 100 тыһ.тахса туонна материальнай баайы-малы тиэрдиэҕэ.

Таһаҕаһы тиэрдэргэ уустук оройуоннарга күн-дьыл туругун көдьүүстээхтик туһаныы былааннанар.

Тиксиигэ аэродрому саҥардыы 2017 сылга саҕаланыан туһунан «Новости» РИА эрдэ суруйан турар. Байыаннай-космическэй күүстэр (ВКС) кылаабынай хамандыырдара, генерал-полковник Виктор Бондарев:

«Тиксии аэродромун бырайыактыыр үлэ түмүктэнэн эрэр. 2017 сылтан ыла тутууну саҕалыахпыт. Аэродром ирбэт тоҥҥо тутулларынан улахан үп-харчы көрүлүннэ. Онон, сыыһар-алҕаһыыр сатаммат», — диир генерал.

Бэс ыйын 17 күнүгэр Федерация Сэбиэтин оборонаҕа уонна куттал суох буолуутугар кэмитиэтин баһылыга Виктор Озеров Саха сиригэр кэлэ сылдьан эппитинэн, Тиксии аэродрома икки базалаах буолуоҕа. Ол эбэтэр, гражданскай да, байыаннай да структуралар бу эбийиэги туттуохтара.

Арктикаҕа тутууну хааччыйыыга байыаннай сулууспалаахтары үбүнэн-харчынан өйөөбүттэрин таһынан 190 тыһ.туонна тутар-монтажтыыр, о.д.а. матырйааллар, тиэхиньикэ тиэрдиллиэҕэ.

РФ оборонаҕа министиэристибэтэ бэйэтин подразделениеларын Арктикаҕа олохтооһуну 2020 сылга диэри ыытыаҕа. Билигин Уһук Илин, Уһук Хоту баар байыаннай чаастарга инфраструктура оҥоһуллар.

Следите за самым важным и интересным в Telegram-канале и WhatsApp-группе ЯСИА