Егор Борисов бүгүн алтынньы 14 күнүгэр генерал-майору, РФ национальнай гвардиятын войскаларын Илиҥҥи уокуругун хамандыырын солбуйааччы Юрий Яшины кытта көрүстэ. Кини полиция полковнигын, РФ национальнай гвардиятын федеральнай сулууспатын Саха сиринээҕи управлениетын саҥа салайааччытын Сергей Челищевы билиһиннэрдэ.
Егор Борисов саҥа биэдэмистибэ үлэтигэр эргиччи көмөлөһүөх буолан эрэннэрдэ.
Кини 2017 сыл өрөспүүбүлүкэҕэ ыччат сыла биллэриллибитин, ыччаты патриот тыыныгар иитиигэ национальнай гвардия үлэһиттэрэ көхөөхтүк кыттыахтарын туһунан эттэ. Ил Дархан биэдэмистибэ үөрэх министиэристибэтин кытта Аҕа дойду Дьоруойдарын күнүгэр патриотизм уруоктарын ыытар туһунан эттэ.
Егор Борисов Сергеяй Челищевы хоруупсуйаны утары үлэлиир хамыыһыйаҕа киллэрэргэ эттэ.
Сергей Челищевы анааһын туһунан бирикээһи РФ национальнай гвардиятын федеральнай сулууспатын дириэктэрэ, РФ национальнай гвардиятын сүрүн хамандыыра, армия генерала Виктор Золотов алтынньы 10 күнүгэр таһаарбыта.
