2020 сылга Россия бырамыысыланнай хампаанньалара табаардарын тиэйиигэ-таһыыга көрсүбүт ороскуоттарын сабыыга 5 млрд солк ылыахтара. Ол туһунан дьаһалы бырабыыталыстыба бэрэссэдээтэлэ Михаил Мишустин таһаарда, СИА суруйар.
Компенсация кээмэйэ хампаанньа үлэтин уратытын көрөн ороскуотун 80% толуйуоҕа. Бу дьаһал массыына, тыа хаһаайыстыбатын уонна энергетика техникаларын оҥорооччуларга эмиэ сыһыаннаах. Субсидия 45 млрд солк суумалаах бородууксуйаны тиэйиини-таһыыны хааччыйар кыахтаах.
Маны сэргэ өссө 600 мөл солк субсидияны саҥа буровой установка атыылаһаары уонна эргэлэрин утилизациялаары сылдьааччыларга көрүллүөҕэ. Онон 2020 сылга маннык техниканы атыылааһыны 3 млрд солк диэри улаатыннарар сорук турар.
This post was published on 26.10.2020 14:02 14:02