РФ киин уонна соҕуруу өттүн 11 аэропордугар көтүүлэри хааччахтааһын режимин алтынньы 16 күнүгэр диэри уһаттылар. Ол туһунан Росавиация иһитиннэрэр.
«Арассыыйа соҕуруу уонна киин эҥэрин 11 аэропордугар 2022 сыл алтынньы 16 күнүгэр диэри көтүүлэри хааччахтыыр режими уһаттылар», — диэн иһитиннэриигэ бэлиэтэнэр.
Көтүүлэр Белгород, Брянскай, Воронеж, Курск, Липецк, Ростов-на-Дону, Анапа, Геленджик, Краснодар, Симферополь уонна Элиста аэропортарыгар хааччахтаммыттара.
2022 сыл олунньу 24 күнүттэн Арассыыйа бэйэтин халлаанын киин уонна соҕуруу эҥэр көтөр сөмөлүөтргэ саппыта. Бу Украинаҕа буола турар анал байыаннай эпирээссийэни кытары сибээстээх.
