Дьокуускайга муус устарга физическай култуураҕа Россиятааҕы үөрэнээччилэр олимпиадаларын түмүктүүр түһүмэҕэ буолар. Эбийиэктэр бэлэмнэрин кулун тутар 15 күнүгэр бырабыыталыстыба бэрэссэдээтэлин солбуйааччыта Анатолий Семенов көрдө.
Бэрэбиэркэҕэ үөрэх уонна спорт министиэристибэлэрин бэрэстэбиитэллэрэ, борокуратуура, ЫБММ уонна Роспотребнадзор кыттыыны ыллылар.
«Бэлэми эрэ буолбатах, куттал суох буолуутун хааччыйыыны эмиэ көрдүбүт. Спорт эбийиэктэрэ олимпиаданы ыытарга бэлэмнэр. Талааннаах үөрэнээччилэр регионнарын көмүскүөхтэрэ, бэйэлэрин ситиһиилэрин көрдөрүөхтэрэ. Спорт, билии, доҕордоһуу бырааһынньыга буоларыгар эрэллээхпин», — диэтэ Анатолий Семенов.
Олимпиада Дьокуускайга муус устар 12 — 18 күннэригэр буолар. «Триумф», «50 лет Победы», «Дохсун», «Чолбон» бассейн уонна «Чыпчаал» спорт комплекстара туттулуохтара.
This post was published on 17.03.2025 12:01 12:01