«Река» уонна «Айтал» сахалар киинэлэрэ «BAIQONYR ISFF» бэстибээл бириистэрин барытын ыллылар

BAIQONYR International Short Film Festival кылгас киинэ норуоттар икки ардыларынааҕы бэстибээлин түмүгүнэн, бары куонкурустар лауреаттарынан «Река» уонна «Айтал» сахалар киинэлэрэ буоллулар, СИА суруйар.

Бэстибээл саайтыгар куонкурус түмүгэ таҕыста. Норуоттар икки ардыларынааҕы кылгас киинэ көрүүтүгэр 16 үлэ киирдэ. Лауреаттар номинациялара:

Гран-при – Река (Дмитрий Давыдов, Саха Өрөспүүбүлүкэтэ)

Бастыҥ режиссура – Река (Дмитрий Давыдов, Саха Өрөспүүбүлүкэтэ)

Бастыҥ операторскай үлэ – Айтал (Алексей Павлов, Саха Өрөспүүбүлүкэтэ)

Бастыҥ сценарий – Айтал (Михаил Башкиров, Владимир Мункуев, Саха Өрөспүүбүлүкэтэ)

Бастыҥ эр киһи оруола – Река (Радислав Захаров, Саха Өрөспүүбүлүкэтэ).

Жюри быһаарыытынан «Бастыҥ артыыска» номинация быйыл бэриллибэтэ.

«Саха киинэтин тахсыытын бэлиэтиибин. Продюсер Сардана Саввинаны хайгыыбын, стус билэбин, кыра бюджекка дьиҥнээх киинэни оҥороллор. Билигин Россия бэйэтэ туспа быһыылааҕын, ураты майгыннааҕын киинэнэн оҥорон көрдөрөллөр. Саха киинэтэ инники сылдьар, лидер. Мин санаабын кинематографтар бигэргэтэллэр», — диэтэ национальнай жюри бэрэссэдээтэлэ Адильхан Ержанов.