Социальнай ситимнэргэ аудиоустуу тарҕанна. Онно учуутал уруок кэмигэр оҕолорго хаһыытыыра иһиллэр. Бу Нерюнгри оскуолата.
Үөрэх министиэристибэтэ ЯСИА-ҕа эппитинэн, педагогы кытта профилактическай үлэ барда. Инцидент Нерюнгри оскуолатыгар математика уруогун кэмигэр таҕыста.
Иккис кылаас оҕолоро. Биир оҕо учуутал саҥатын диктофоҥҥа уһултарда.
«Нерюнгри үөрэх управлениетын начальнигын кытта сөбүлэҥ хамыыһыйа тэрилиннэ. Балаһыанньа быһаарылынна, учууталы кытта профилактическай бэсиэдэ оҥоһулунна», – министиэристибэ пресс-сулууспатыгар эттилэр.
