РФ үөрэҕин министиэристибэтэ түөрт чиэппэр систиэмэтинэн үлэлиир үөрэх тэрилтэлэригэр оскуола каникулун сүбэлиир кыраапыгын бэчээттээтэ.
Министиэристибэ Телеграм-ханаалыгар иһитиннэриллэринэн, сынньалаҥы маннык ыытарга сүбэлииллэр:
алтынньы 25 күнүттэн — сэтинньи 2 күнүгэр диэри (бырааһынньык күннэрин учуоттаан, сэтинньи 3 уонна 4 күннэрэ);
2025 сыл ахсынньы 31 – 2026 сыл тохсунньу 11 күнэ;
кулун тутар 28 күнүттэн — муус устар 5 күнүгэр диэри 2026 сыл;
2026 сыл ыам ыйын 27 күнүттэн — атырдьах ыйын 31 күнүгэр диэри.
Саҥа үөрэх дьыла балаҕан ыйын 1 күнүттэн ыам ыйын 26 күнүгэр диэри салҕаныа. Сыл устата каникул болдьоҕо 7 күнтэн итэҕэһэ суох буолуохтаах. Бастакы кылаас үөрэнээччилэригэр олунньуга биир нэдиэлэттэн итэҕэһэ суох уһуннаах эбии каникул көрүллэр.
