«Профориентация-2025» регионнар ардыларынааҕы дьаарбаҥка-быыстапка иккис түһүмэҕэ Дьокуускайга от ыйын 6 күнүгэр Хомсомуол болуоссатыгар буолуоҕа.
«Профориентация-2024» дьаарбаҥкаҕа 6000-тан тахса киһи сылдьыбыта, абитуриеннар төрөппүттэрин кытта ордук көтөөхтүк кыттыбыттара, барыларыгар босхо үөрэх тэрилтэлэрин сырдатар ыйынньык түҥэтиллибитэ.
Быйыл от ыйын 6 күнүгэр Хомсомуол болуоссатыгар Дьокуускайга Российскай Федерация таһымнаах университеттар, институттар, академиялар, колледжтар, техникумнар бэрэстэбиитэллэрэ мустуохтара. Кинилэри сэргэ үлэни биэрээччи тэрилтэлэр, профориентационнай консультаннар үлэлиэхтэрэ.
Абитуриеннарга 2025 сыллааҕы ыйынньыктары биэриэхтэрэ.
This post was published on 21.05.2025 17:01 17:01