Быстах өрөмүөннээх оскуолалар бэлэмнэрэ атырдьах ыйын 25 күнүнэн түмүктэнэр. Ордук болҕомто «Биир ньыгыл Россия» баартыйа бырайыагын чэрчитинэн ыытыллар хапытаалынай өрөмүөннээхтэргэ ууруллар. Бу эбийиэктэр балаҕан ыйын 1 күнүгэр диэри бэлэмнэрэ 75%. Миниистир этэринэн, болдьоххо улахан кэһиилэр суохтар, бэдэрээччиктэр былаан быһыытынан үлэлииллэр.
Айсен Николаев оскуола үөрэтиитин аныгы стандартары кытта ис хоһоонун саҥардан систиэмэлээхтик ыытар суолтатын бэлиэтээн эттэ. Ааспыт сылга үөрэх былааныгар киирбитэ: куттал суох буолуутун төрүтэ уонна Ийэ дойду көмүскэлэ, маны сэргэ урукку технология кууруһун оннугар үлэ уруога.
2025 сылтан историяны үөрэтиигэ уларыйыы киирэр, ол иһигэр регион компоненнарын киллэрэн туран — Саха сирин историята үөрэтиигэ бэлэм оҥоһуллан турар. Инникитин обществознание предмета үрдүкү эрэ кылаастарга үөрэтиллэр, историяҕа элбэх чаас бэриллэр.
This post was published on 08.08.2025 17:22 17:22