Саха сиригэр туризмы сайыннарыы билиҥҥи тосхолугар саҥа термин баар буолла – «домашний туризм» диэн. Онно олоҕуран, регион 35 оройуонугар сылдьыбыт киһиэхэ туспа аат иҥэриэхтэрэ. Ол туһунан кулун тутар 7 күнүгэр бырабыыталыстыба отчуотун кэмигэр бэрэссэдээтэл солбуйааччыта Анатолий Семенов эттэ.
«Тас уонна ис туризмнары таһынан биһиги саҥа термин киллэрэбит – дьиэ туризма. Саха сирин олохтоохторо өрөспүүбүлүкэлэрин иһигэр сынньаналларыгар баҕарабыт. Саҥа тосхолго, олунньу 20 күнүгэр бигэргэммиккэ, сурулларынан 35 оройуоҥҥа сылдьыбыт киһиэхэ анал аат иҥэриллиэҕэ, Саха сирин үтүөлээх туриһа оҥкулунан», – диэтэ Семенов.
Саха сирэ Уһук Илиҥҥэ туристарын ахсаанынан ахсыс миэстэҕэ баар. Ааспыт сылга өрөспүүбүлүкэҕэ 30 тыһыыча киһи сылдьыбыта.
This post was published on 07.03.2025 15:03 15:03