18 Тохсунньу 18.01
  • -48°
  • $ 73,82
  • 83,32

Радиология отделениета саҥардылла турар

17:52, 10 апреля 2018
Текст:

 

Искэни эмтиир диспансер радиологияҕа отделениетын саҥардыы үлэтэ былаан быһыытынан ыытылла турар. Билигин тас инженернэй ситимнэри көһөрүү үлэлэрэ түмүктэннилэр.

edersaas.ru


Генеральнай бэдэрээччит «Кинг 95» ХЭУо салайааччыта Александр Варламов иһитиннэрбитинэн, 60 оробуочай араас тиэхиньикэ көмөтүнэн тохтоло суох үлэлии сылдьар.

Саҥардыллыы чэрчитинэн радиология отделениета кэҥэтиллиэҕэ, эбии ыытыллар тутууга 30 куойкалаах балааталар, быраастар кабинеттара, таҥас устар хос баар буолуохтара.

 

Отделение уодаһыннаах ыарыыны быһаарыы уонна эмтээһин аныгы ирдэбиллэригэр эппиэттиэҕэ.

Искэни эмтиир киин бастакы уочарата былаан быһыытынан быйыл ахсынньы бүтүүтүгэр үлэҕэ киллэриллиэ. Бастакы уочараты тутууга федеральнай уонна өрөспүүбүлүкэ бүддьүөтүттэн үп көрүллэр.

 

Тутуу кыраапыга СӨ Доруобуйа харыстабылыгар министиэристибэтин уонна Искэни эмтиир өрөспүүбүлүкэтээҕи диспансер кылаабынай бырааһын кытары сөбүлэһиннэриллибит буолан, эмтээһин хаамыытыгар мэһэйдэр үөскээбэттэр.

ЫСПЫРААПКА:

Дьокуускай куоракка Искэни эмтиир киин тутулларын өрөспүүбүлүкэ олохтоохторо күүппүттэрэ, диспансер салалтата туруорсубута быданнаата. Бу уодаһыннаах ыарыы ордук Аллайыаха, Алдан, Үөһээ Халыма, Эдьигээн, Нерюнгри уонна Ленскэй оройуоннарыгар бэлиэтэнэр.

Надежда ЕГОРОВА, «Саха сирэ» хаһыат, edersaas.ru

2

0
0
0
18 января 18.01
  • -48°
  • $ 73,82
  • 83,32