17 От ыйа 17.07
  • 19°
  • $ 88,28
  • 96,26

Өрөспүүбүлүкэтээҕи географическай-краеведческай биктэриинэ кыайыылаахтара ааттаннылар

Читайте нас на
Яндекс Новости
ЯДВ

П.Д. Аввакумов аатынан киин бибилэтиэкэ нуучча географическай уопсастыбатын Саха сиринээҕи салаата тэриллибитэ 110 сылыгар анаммыт географическай-краеведческай биктэриинэни тэрийэн ыытта. 75 боппуруостаах биктэриинэни СӨ үөрэҕириитин үтүөлээх үлэһитэ, нуучча географическай уопсастыбатын чилиэнэ, РФ суруналыыстарын сойууһун чилиэнэ, кыраайы үөрэтээччи Владимир Прокопьевич Парфенов бэлэмнээбитэ. Биктэриинэ улуустааҕы “Үлэ күүһэ”, өрөспүүбүлүкэтээҕи “Саха сирэ” хаһыаттар саайтарыгар тахсыбыта.

Кыайыылаахтарынан ааттаннылар:

I миэстэ – Жоржетта Текеянова (Одуну нэһилиэгэ);

II – Арчылаана Иванова (Афанасий Осипов аатынан Бэрдьигэстээх орто оскуолатын IX кылааһын үөрэнээччитэ);

III – Дария Петрова (Дьокуускай куорат).

Розалия Михайлова, Луиза Винокурова (Бэрдьигэстээх улуустааҕы гимназиятын VIII кылааһын үөрэнээччилэрэ), Туйаара Наумоваҕа (Бэрдьигэстээх) кыттыыларын иһин туоһу суруктары өйдөбүнньүк бэлэхтэри туттулар.

Кыайыылаахтарга Нуучча географическай уопсастыбатын Саха сиринээҕи салаата, Кииннэммит библиотечнай ситим, Бэрдьигэстээх нэһилиэгин кыраайы үөрэтэр түмэлин анал бириистэрэ туттарылынна. Биктэриинэ кыттыылаахтарыгар, спонсордарыгар махтанабыт.

Педагог-наставник сылыгар бэтэрээн географ-учуутал Владимир Парфеновка анаммыт кыраайы үөрэтэр чааска оскуола үөрэнээччилэрэ төрөөбүт дойдуларын таптыырга, географияны үөрэтиигэ элбэҕи биллилэр, кинигэ быыстапкатын, хаартыскаларынан стендэлэри көрөн сэҥээрдилэр. Кииннэммит библиотечнай ситим библиограба Анастасия Заровняева Владимир Парфенов таһааттарбыт кинигэлэрин оҕолорго билиһиннэрдэ.

Айталина Санникова,

Настя Сергеева хаартыскалара

Следите за самым важным и интересным в Telegram-канале и WhatsApp-группе ЯСИА
Тутаах тыллар