19 Кулун тутар 19.03
  • -16°
  • $ 91,98
  • 100,24

Өрөспүүбүлүкэ салалтата бүгүн Горнай улууһугар отчуоттуур

газета "Саха сирэ"
Читайте нас на
Яндекс Новости
ЯДВ

Бүгүн, олунньу 6 күнүттэн, Горнай улууһугар СӨ Бырабыыталыстыбатын отчуота саҕаланна.

СӨ Уһук Илин уокуругун бастайааннай бэрэстэбиитэлистибэтин салайааччыта — Бырабыыталыстыба бэрэссэдээтэлин солбуйааччы Ким Борисов салалтатынан үлэлиир үс бөлөх Горнай улууһун нэһилиэктэригэр сылдьан олохтоохтору кытта көрсөллөр, өрөспүүбүлүкэ салалтатын 2022 сыллааҕы үлэтин отчуоттууллар.

Горнай улууһугар үлэлиир бөлөхтөрү духуобунас миниистирин бастакы солбуйааччы Афанасий Ноев, СӨ тутууга миниистирин бастакы солбуйааччы Галина Новикова салайаллар. Отчуокка министиэристибэлэр уонна биэдэмистибэлэр эппиэттээх салайааччылара кыттыыны ылаллар.

Бырабыыталыстыба отчуотун иккис бөлөх Бэс Күөлүн нэһилиэгэр ыытта. Күн иккис аҥаарыгар Күөрэлээх нэһилиэгэр үлэлээтилэр. Бөлөх састаабыгар СӨ Үп миниистирин солбуйааччы Надежда Филипппова, тыа хаһаайыстыбатын министиэристибэтин судаарыстыбаннай бырагыраамалары былаанныыр, үөрэтэр департаменын салайааччыта Анастасия Колодезникова, «Горнай улууһа» МТ баһылыгын бастакы солбуйааччы Александр Стручков, улуустааҕы үөрэх управлениетын салайар Варвара Сметанина бааллар.

Горнай улууһугар нэһилиэктэринэн ыытыллар отчуоттарга Саха эстрадатын сулустара Ника, Аскалон Павлов, Эрхаан, филармония эдэр ырыаһыттара сылдьаллар.

Источник: © sakha-sire.ru сайт

Следите за самым важным и интересным в Telegram-канале и WhatsApp-группе ЯСИА