«Авиалесоохрана» өрөспүүбүлүкэ үрдүнэн 106 ойуур баһаара баарын этэр. Сууккаҕа 29 саҥа баһаар турда, 18 уоту умулуннардылар. Бу туһунан ыксаллаах быһыы-майгы министиэристибэтин пресс-сулууспата СИАҕа иһитиннэрэр
Уоту умулуннарыыга ааспыт сууккаҕа 789 киһи 85 техника үлэлээтэ. Уот нэһилиэктэргэ чугаһыыр түгэнигэр ыксаллаах быһыы-майгы министиэристибэтин авиацията уонна аэромобильнай бөлөх көмөҕө кэлэргэ бэлэмнэр. Билиҥҥитэ нэһилиэнньэттэн үҥсүү суох.
Дьааҥы, Эдьигээн, Кэбээйи, Мииринэй, Томпо, Эбээн-Бытантай улуустарыгар уопсайа 67 ойуур баһаара биллэр. «Баһаар дьон олорор сирдэригэр чугаһаабатыгар үлэлэһэбит», — диэн ЫБМ салайааччыта Павел Гарин этэр.
This post was published on 15.07.2020 12:01 12:01