Олорор дьиэ-уот коммунальнай хаһаайыстыба салалтата, бары улуустардааҕы филиалларын салайааччылара сахалартан бастакы үрдүк инженер үөрэхтээх, өрөспүүбүлүкэ коммунальнай хаһаайыстыбатын бастакы наркома Ананий Кононович Андреев сырдык аатыгар сүгүрүйэ Таатта Дьохсоҕонугар кэллилэр, НВК Саха телеграм-ханаал суруйар.
Бу күн Дьохсоҕон оскуолатын выпускнига, транспортнай техникум үһүс кууруһун устудьуона Александр Матвеев А.К. Андреев аатынан стипендияны тутта. Дьохсоҕоҥҥо саҥа үлэҕэ киирэр хочуолунайга А.К. Андреев аата иҥэрилиннэ. Хочуолунай бүгүҥҥүттэн Саар ыаҕас түөлбэ уонна А.К. Андреев аатынан дьоҕус түөлбэ олохтоохторугар итиини биэриитин саҕалыаҕа.
