19 Тохсунньу 19.01
  • -48°
  • $ 73,82
  • 83,32

Өрөспүүбүлүкэҕэ сылгыһыт күнэ олохтонор

Саха сиригэр сылгыһыт күнэ олохтонор. Ити Саха сирин баһылыга Егор Борисов биир кэлимсэ ыйааҕар киирдэ.


«Сылгыны үөрдээн иитиигэ кэлимсэ миэрэлэргэ анаммыт тустаах уураахха сотору кэминэн илии баттыаҕым. Ити миэрэлэртэн биирдэстэрэ сылгыһыт күнүн олохтооһун буолар. Бэлиэ күн муус устарга ыытыллыаҕа», —диэтэ Егор Борисов.

ДьТХА Өктөмнөөҕү филиалыгар сылгыны иитиигэ баар кыһалҕалары ырыттылар. Бүгүҥҥү ааҕыынан, өрөспүүбүлүкэҕэ 114 тыһ.тахса төбө сылгы, 100-тэн тахса бөдөҥ хаһаайыстыба, 5 база баар. 2007 сылтан ыла сылгыны иитэр 435 база тутуллубут. 2016 сылга салааны өйүүргэ уопсайа 287 мөл.солк. көрүллүбүт.

Бастакы вице-премьер — тыа хаһаайыстыбатын миниистирэ Петр Алексеев этэринэн, селекционнай-племенной үлэҕэ, хаһаайыстыбалар үп-харчы өттүнэн туруктарыгар, бородууксуйаны батарыыга, каадыр тиийбэтигэр, о.д.а ыарахаттар бааллар.

Көрсүһүү түмүгүнэн Егор Борисов бырабыыталыстыба, наука тэрилтэлэрин аадырыстарыгар сорудахтары биэрдэ. Туох-ханнык иннинэ сылгыны иитиини судаарыстыба өттүттэн өйөөһүҥҥэ, хаһаайыстыбалары кооперациялааһыҥҥа, сири биэриигэ, специалистары бэлэмнииргэ үөрэтэр кииннэри үөскэтиигэ, о.д.а. сыһыаннаахтар.

0
0
19 января 19.01
  • -48°
  • $ 73,82
  • 83,32