Дьокуускайга Өрөспүүбүлүкэ болуоссатыгар үүннэриллибит от сиппэтэҕинэн, «СЭТТЭ» тутуу хампаанньата бэс ыйыгар эргэни көтүрэн, саҥаны тардыаҕа. Үлэ мэктиэ дьаһалынан оҥоһуллар. Ол туһунан өрөспүүбүлүкэ кылаабынай архитектора Любовь Папок эттэ.
Үлэ барар кэмигэр сорох учаастактарга сылдьыы хааччахтаах буолуоҕа.
Любовь Папок эрдэ СМИ-гэ тарҕаммыт фонтан тэстиитин туһунан информацияны олоҕо суоҕунан аахта. Исписэлиистэр этэллэринэн, эрдэ бэрэбиэркэҕэ ууну ыытыыга баттааһынын саамай кыратыгар туруоруллубут, итиэннэ ууну күүстээх тыал ыспыт.
This post was published on 02.06.2025 10:09 10:09