26 От ыйа 26.07
  • 16°
  • $ 85,41
  • 93,17

Өрүс үлэһиттэрэ Арктикаҕа таһаҕаһы тутан бүттүлэр

14:56, 26 сентября 2018
Текст:
Читайте нас на
Яндекс Новости
ЯДВ

Өлүөнэтээҕи холбоһуктаах өрүс пароходствота Арктика кытылыгар баар пууннарга таһаҕаһы тутууну түмүктээтэ. Таһаҕаһы бас билээччилэр иннилэригэр бары эбэһээтэлистибэ туолла, — диэн хампаанньа пресс-сулууспата иһитиннэрэр.

Дьокуускайтан Халымаҕа генеральнай таһаҕастаах — “Капитан Орлов, Анаабырга – “Капитан Богатырев”, Тиксиигэ – “Святитель Иннокентий” тиийдилэр.

Дьааҥыга уу таһыма намыһаҕа Аллараа Дьааҥыттан Уус Куйгааҕа диэри таһаҕаһы тиэрдиини харгыстыыр. Балаҕан ыйын 9 күнүгэр эрэ уу таһыма  үрдээн, рейскэ тахсар кыахтаммыттара. Билигин суудуналар экипажтара Арктика навигациятын кылгас кэмигэр оттугу-уматыгы тиэрдэргэ дьулуһаллар.

РП-498 теплоход соһор МА-1150 бааржатынан (сал. Сергей Пупышев) Уус Куйгааҕа диэри аһы-үөлү тиэрдиэхтэрэ. Бу нэһилиэнньэлээх пууҥҥа өрүс пароходствота тустаах навигацияҕа таһаҕаһы иккистээн тиэрдэр.

Флот үлэтин уонна тиэйиини пароходство салалтата  дьаһайар, кэтээн көрөр.

Следите за самым важным и интересным в Telegram-канале и WhatsApp-группе ЯСИА