Р. И. Брызгалова аатынан Тырааныспар техникумун устудьуоннара производственнай практикаларын АО «АК «Саха сирин тимир суоллара» баазатыгар бараллар. Практика кэмигэр кинилэр тимир суол үлэтин, өрөмүөннээһинин уонна техническэй хааччыйыытын кытта билсэллэр. Устудьуоннар тырааныспар логистикатыгар уонна тимир суолга таһаҕаһы тиэйиини тэрийиигэ уопуттаналлар.
«Билигин ыам ыйын 9 күнүгэр бэлэмнэнэ сылдьабыт. Үөрэх дьыла түмүктэнэрэ чугаһаан оҕолор практикаларыгар бэлэмнэнэллэр, сорохтор строй этэрээттэргэ киирдилэр. Эһиил баҕар эбии «Разработка веб приложений» диэн саҥа салаа арыллыахтаах» — диэн техникум преподавателэ Нонна Винокурова кэпсиир.
Устудьуоннар «Саха сирин тимир суоллара» хампаанньа баазатыгар практикаланар буоланнар, тимир суол идэтин уратыларын дьиҥнээх олоххо билэр кыахтаналлар. Ону таһынан, устудьуоннар хайыы-үйэ үлэлиир исписэлиистэри кытта ыкса сибээстэһэллэр, аҕа табаарыстар сүбэнэн көмөлөһөллөр, онон профессиональнай эйгэҕэ тахсалларыгар бэлэм буолаллар.
This post was published on 05.05.2023 15:03 15:03