«Боотурдар оонньуулара» турнир спорт национальнай көрүҥнэригэр ыытыллар, Алексей Никифоров сырдык кэриэһигэр ананар. Сүрүн бириис 200 тыһ солк. Өрөспүүбүлүкэ улуустарыттан уонна Дьокуускай куораттан 16 хамаанда кыттар, суруйар СИА.
Турнирга Амматтан, Анаабыртан, Бүлүүттэн, Горнайтан, Кэбээйиттэн, Мэҥэ Хаҥаластан, Намтан, Ньурбаттан, Сунтаартан, Уус Алдантан, Үөһээ Бүлүүттэн, Дьааҥыттан, Хаҥаластан, Чурапчыттан, Эбээн Бытантайтан уонна Дьокуускайдааҕы педагогика коллеһыттан кытталлар.
Күрэхтэһии биллэр уонна саҥа саҕалааччы спортсменнары түмүөҕэ. Кинилэр ортолоругар Дыгын оонньууларын кыттыылаахтара Леонид Филиппов, Алексей Уваровскай, национальнай ыстаныыларга Саха сирин муҥутуур кыайыылааҕа Яков Дмитриев уонна да атыттар бааллар.
Спорт аҕыс көрүҥэр киирсэллэр: тутум эргиир, национальнай ыстаҥа, балык-рестлинг, хапсаҕай, хомуур хапсаҕай, мас-рестлинг уонна ханаат тардыһыыта. Хас көрүҥ аайы кыайыылаахтар быһаарыллаллар. Бастыҥ хамаанданы уопсай баалынан таһаараллар. Кыйыылаах хамаанда 200 тыһ солк тутуоҕа, иккис — 150 тыһ солк, үһүс — 100 тыһ солк.
Санатабын, ХИФУ юридическай факультетын выпускнига, хапсаҕайга спорт маастара Алексей Никифоров 2015 сыллаахха сайын сөтүөлүүр сиргэ сынньана сылдьан, ууга тимирэн эрэр оҕону быыһаабыта. Бэйэтэ кыайан быыһамматаҕа.
This post was published on 24.11.2023 09:01 09:01