Саха сиригэр алтынньы 30 күнүттэн сэтинньи 7 күнүгэр диэри хамнаһы хаалларан туран өрөбүл күннэр биллэриллибиттэрэ. Маныаха, Үлэ министиэристибэтэ хамнас хайдах төлөнөрүн туһунан биллэрдэ.
2021 Сэтинньи 4 күнэ – Сомоҕолоһуу күнэ, бу бырааһынньык күнэ, ону сэтинньи 5-гэр көһөрөннөр эбии бырааһынньыктааҕы өрөбүл күнүнэн биллэриллибитэ.
Онон хамнас төлөнөр өрөбүллэр икки ардыларыгар бырааһынньык күннэрэ кыттыһан биэрэллэр:
— 5 күннээх үлэлээх дьоҥҥо – өрөбүл күннэрэ алтынньы 30, 31, сэтинньи 5, 6, уонна 7, бырааһынньыктааҕы өрөбүл – сэтинньи 4;
— 6 күннээх үлэлээх дьоҥҥо – өрөбүл күнэрэ алтынньы 31 уонна сэтинньи 7, бырааһынньыктааҕы өрөбүл – сэтинньи 4;
Арассыыйатааҕы үлэ кодексын сокуонунан, өрөбүл уонна бырааһынньык күн хамнас төлөбүрэ икки бүк үрдүөхтээх.
Алтынньы 30-тан сэтинньи 7-гэр диэри өрүүр туһунан уурааҕы Ил Дархан Айсен Николаев баттаабыта.
Бу кэмҥэ олоххо наадалаах эрэ тэрилтэлэр үлэлиэхтэрэ (мэдиссиинэ тэрилтэлэрэ, бырамыысыланнас тэрилтэлэрэ, аптекалар, бородуукта маҥаһыыннара).
Өрөбүлгэ үлэлиир тэрилтэлэр уонна үлэһиттэр ахсааннарын аһаҕас былаас уоргана быһаарыахтаах.
Хамнаһы хаалларан туран өрүүр күннэргэ, хамнас үлэ дуогабарыттан тутулуктаах.
Үлэ күнүн нуормата кыччаабат.
Үлэһит уоппускаҕа сытар буоллаҕына, уоппуската 7 күн уһаабат.
Үлэ күнэ буолбатах күн (холобур, баскыһыанньа) көннөрү күнүнэн ааҕыллар, онон бу күннэргэ үрдэтиллибит хамнас көрүллүбэт.
Хамнаһы тэрилтэ бэйэтин төлүүр кэмигэр төлүөҕэ. Өскөтүн төлөбүр күнэ бырааһынньык күнүгэр сөп түбэһэр буоллаҕына, тэрилтэ эрдэ төлүүрэ ордук.
