24 От ыйа 24.07
  • 29°
  • $ 87,3
  • 95,46

Путин СНГ уонна атын холбоһуктаах дойдулар бэрэстэбиитэллэрин кытары көрсө Астанаҕа кэллэ

16:03, 13 октября 2022
Читайте нас на
Яндекс Новости
ЯДВ

Арассыыйа бэрэсэдьиэнэ Владимир Путин чэппиэргэ Казахстан киин куоратыгар көтөн кэллэ. Икки күн иһигэр кини Астанаҕа үс хас даҕаны өрүттэр кыттыгастаах саммитка кыттыаҕа, диэн ТАСС иһитиннэрдэ.

Бүгүн бастакы саммит — Азияҕа (СВМДА) хардарыта алтыһыы миэрэлэрин ырытар көрсүһүү. Манна Азия территориятыгар баар 27 судаарыстыба ол эбэтэр 90% кыттар, аан дойду нэһилиэнньэтин аҥарын кэриҥэ бу эҥэр олорор.

Алтынньы 14 күнүгэр Астанаҕа СНГ судаарыстыбаларын баһылыктарын Сэбиэтин мунньаҕа, ону тэҥэ «Арассыыйа — киин Азия» диэн көрсүһүү буолар.

Итини таһынан Путин бырагырааматын кэмигэр Казахстан киин куоратыгар кэккэ икки өрүттээх көрсүһүүлэр былааннаннылар. Чэппиэргэ Турция бэрэсэдьиэнин Реджеп Тайип Эрдоганы кытары көрсөрө күүтүллэр.

Ааспыт сырыыга Арассыыйа бэрэсэдьиэнэ Казахстаҥҥа 2019 сыл ыам ыйыгар кэлэ сылдьыбыта. Онно Евразийскай экономическай Союз саммитыгар кыттыбыта.

Следите за самым важным и интересным в Telegram-канале и WhatsApp-группе ЯСИА
Тутаах тыллар