Владимир Путин ыйааҕынан «Российскай Федерация үтүөлээх бырааһа» бочуоттаах бэлиэ 2№-дээх өрөспүүбүлүкэтээҕи балыыһа — экстреннай медицина көмөтө киин отделениетын сэбиэдиссэйигэр Анатолий Комиссаровка туттарылынна.
Анатолий Комиссаров доруобуйа харыстабылыгар 39 сылтан ордук үлэлиир. Быраас — үрдүк категориялаах травматолог-ортопед, травматология-ортопедическай отделение сэбиэдиссэйэ, медицина наукатын кандидата, ХИФУ мединститутун хирургия ыарыыларыгар уонна стоматологияҕа кафедра доцена.
2001 — 2020 сылларга – өрөспүүбүлүкэ доруобуйа харыстабылыгар министиэристибэтин травматолог-ортопеда, штаты таһынан исписэлиис.
2005 сылтан травматология-ортопедическай отделениены салайар, манна 25 сотрудник үлэлиир, 80%-тан тахса быраас уонна медсестра квалификационнай категориялаахтар.
