Россия президенэ Владимир Путин эбии 200 млрд солк регионнар бюджеттарын хааччыйыыга ыытар сөптөөх быһаарыы буоларын эттэ, СИА ТАСС-ка сигэнэн суруйар.
«Регионнар бюджеттарын туруктаах оҥорор сыалтан эбии 200 млрд солк ыытар наада, итини этэн туран Федерация субъектара бу үбүлээһини сөптөөхтүк анабылынан туттууларыгар хааччахтааһын суох буолуохтаах», — Владимир Путин бырабыыталыстыба чилиэннэрин кытта мунньахха эттэ.
Путин эрдэ эмиэ регионнарга көмө наадатын эппитин санатта. «Кинилэр дохуоттара билигин араас биричиинэнэн олорон хаалла, оттон регионнар экономиканы уонна олохтоохтору өйүүллэригэр улахан ноҕорууска сүгэллэр. Онно анаан кинилэргэ сөптөөх үбүлээһин баар буолуохтаах«, — диэн быһаарда президент.
Судаарыстыба баһылыга эппитинэн, эбии көрүллүбүт үбү «регионнар дьарыктаах буолууну, дьыалабыай көҕү өйөөһүҥҥэ туттуохтаахтар, босуобуйалары төлөөһүҥҥэ, бюджетниктар хамнастарыгар, суһал социальнай боппуруостары быһаарыыга уонна дьоҥҥо көмөҕө туһаайыахтаахтар».
This post was published on 28.04.2020 13:04 13:04