Арассыыйа бэрэсэдьиэнэ Владимир Путин дойду бырабыыталыстыбатыгар кулун тутар 1 күнүгэр диэри Саха сиригэр Өлүөнэ өрүһү туоруур муоста тутуутун түмүктүүр дьаһаллары ыларга сорудахтаата. Докумуон быраабы кэпсиир сайтка бэчээттэннэ, диэн ТАСС иһитиннэрдэ.
Муостаны Дьокуускай куорат таһыгар 2028 сылга диэри тутуохтаахтар. Дойду баһылыга муоста тутуутугар эппиэтинэһи дойду премьер-миниистиригэр Михаил Мишустиҥҥа сүктэрдэ.
Бэрэсэдьиэҥҥэ муоста тутуута саҕаланарыгар туох дьаһаллар ылыллыбыттарын туһунан 2024 сыл кулун тутар 1 күнүгэр диэри дакылааттыахтаахтар. Муоста тутуутугар 2025 сылга 1,34 млрд солк. көрүллэрэ былааннанар, 2026 сылга 3,20 млрд, 2027 сылга-19,23 млрд, 2028 сылга — 19,23 млрд. солк. көрүллүөхтээх.
This post was published on 09.11.2023 10:04 10:04