Россия Президенэ Владимир Путин харантыыны кэһии иһин административнай уонна холбуобунай эппиэтинэһи киллэрии туһунан сокуоҥҥа илии баттаата. Өскөтүн кэһии “ыарахаттарга” киирсэр буоллаҕына – буруйдаах сэттэ сылга дылы көҥүлэ быһыллар, диэн СИА “Российская газета”-ҕа сигэнэн суруйар.
Ыксаллаах быһыы-майгы эрэһиимин кэмигэр санитарнай быраабыланы кэһии эбэтэр харантыын кэмигэр кутталлаах ыарыыны тарҕатыы туһунан этиллэр.
Кэһиини таһаарбыт киһи — 15 — 40 тыһ.солк, дуоһунастаах сирэйгэ уонна ИП-ларга — 50 — 150 тыһ.солк, юридическай сирэйдэргэ —200 — 500 тыһ.солк. Тэрилтэлэргэ уонна ИП-ларга үлэлэрин 90 хонукка диэри тохтотуу миэрэтэ эмиэ баар буолуон сөп.
Өскөтүн ыйыллыбыт кэһиилэр киһи доруобуйатын эмсэҕэлээбит эбэтэр өлүүгэ тириэрдибит буоллахтарына, административнай ыстыраап буруйдаах киһиэхэ — 150 — 300 тыһ.солк, дуоһунастаах сирэйдэргэ — 300 — 500 тыһ.солк, ИП уонна юридическай сирэйдэргэ — 500 тыһ — 1 мөл солк диэри, эбэтэр үлэлэрэ 90 хонукка тохтотуллар.
Сиһилии https://ysia.ru/putin-podpisal-zakony-o-shtrafah-i-srokah-za-narushenie-karantina/
