Путин Дьокуускай төрүттэниитин 400 сылын бырааһынньыгын туһунан ыйаахха илии баттаата

Хаартыска: ЯСИА саайта

Россия Президенэ Владимир Путин муус устар 1 күнүгэр 2032 сылга Дьокуускай куорат төрүттэммитэ 400 сылын бэлиэтиир туһунан ыйаахха илии баттаата.

«2032 сылга Дьокуускай куорат төрүттэммитэ 400 сылын бэлиэтииринэн уураахтыыбын: <…> Российскай Федерация бырабыыталыстыбатын 2032 сылга Дьокуускай куорат төрүттэммитэ 400 сылын бэлиэтиир туһунан этиитин ылынарга», — ыйаахха суруллар.

Киин куорат баһылыга Евгений Григорьев эппитинэн, докумуон президент Дьокуускай куоракка уонна Саха Өрөспүүбүлүкэтигэр болҕомтотун уурарын аһаҕастык көрдөрөр.

«Судаарыстыба баһылыгын ыйааҕа, национальнай бырайыактар саҥа түһүмэхтэрэ саҕаламмытынан, биһиги маастар-былааҥҥа туруоруллубут соруктары толорорбутугар туһалыаҕа. Куорат тыһыынчанан олохтооҕун, тэрилтэлэр, бизнес үлэлэринэн, Дьокуускай сайдыытын стратегическай сыалын олоххо киллэриэхпит, нэһилиэнньэ олоҕун хаачыстыбатын тупсарыахпыт!» — диэн суруйда телеграм-ханаалыгар Евгений Григорьев.

This post was published on 02.04.2025 12:03 12:03