Путин биэнсийэ сааһын уһатар туһунан сокуоҥҥа илии баттаата. Бу туһунан Кремль саайтыгар этиллэр.
Сокуоҥҥа олоҕуран, биэнсийэҕэ тахсар сааһы эр дьоҥҥо — 65, дьахталларга – 60 сааһыгар диэри уһатыахтара. Бу иннинэ эр дьон биэнсийэҕэ – 60, дьахталлар – 55 саастарыгар тахсаллара.
Бырабыыталыстыба биэнсийэҕэ тахсар сааһы уһатарга бэс ыйыгар этии киллэрбитэ.
Сайын докумуон ГосДуумаҕа бастакы ааҕыыны ааспыта. Иккис ааҕыыга сокуон барылын балаҕан ыйын 26 күнүгэр ылыммыттара. Онно дьахталлар биэнсийэҕэ тахсар саастарын 60 диэри үрдэппиттэрэ. Үһүс уонна бүтэһиктээх ааҕыыны ГосДуума нөҥүө күнүгэр бигэргэппитэ. Бу нэдиэлэҕэ, алтынньы 3 күнүгэр, биэнсийэ реформатын туһунан сокуону Федерация Сэбиэтэ бигэргэппитэ, диэн «Ведомости» биллэрэр.
