Олунньуга Саха сирин психологтара 2,6 тыһыынча саҥа уонна хос сайабылыанньаны СВО кыттыылаахтарыттан уонна кинилэр дьиэ кэргэттэриттэн көрдүлэр, ол иһигэр госпиталларга тиийэн. 3 тыһыынчаттан тахса биирдиилээн уонна бөлөҕүнэн консультация оҥоһулунна. Ол туһунан олунньу 28 күнүгэр брифиҥҥэ психологическай киин (ЯРПЦ) дириэктэрэ Владимир Скрябин эттэ.
Скрябин эппитинэн, киин исписэлиистэрэ экстреннай психологическай көмө оҥороллор күүстээх психоэмоциональнай турукка киирбиттэргэ, байыас дьиэ кэргэнэ ыарахан эмоциональнай майгыга киирдэхтэринэ өйөбүл миэрэлэ ылыллаллар, консультациялар ыытыллаллар.
Психологтар СВО кыттыылаахтара эйэлээх олоххо адаптация ааһалларыгар үлэлииллэр, аймахтарыгар, ол иһигэр оҕолоругар көмө оҥоһуллар.
Психологтарга сайаапка анонимнай уонна конфиденциальнай, псевдонимынан да суруйтарыахха сөп. СВО кыттыылаахтарыгар, кинилэр дьиэ кэргэттэригэр, ону сэргэ атын ыксаллаах хайысхаларга өҥө оҥоруута босхо.
This post was published on 28.02.2025 16:03 16:03