Дьокуускайга Ленин проспегын тупсарыы үлэтэ салҕанар. Сотору проспегынан оптуобустар сылдьыахтара. Куорат дьаһалтата иһитиннэрбитинэн, киин уулуссаҕа 175 ыскамыайканы туруоруохтара, Саха сирэ суруйар.
Бүгүҥҥү күҥҥэ проспекка 32 бэлэсипиэт парковката, ыйынньыктаах 16 остуолба уонна 124 устуука бөх тоҕор ууруна баар буолла.
Маны тэҥэ, Доҕордоһуу болуоссатыгар парклет (тротуарга сыста турар сынньанар сир) баар буолла.
Проспекка 12 оптуобус тохтобулун оҥоруохтара, мантан 3 тохтобул сылаас буолуоҕа. Кыһыҥҥы бытарҕан тымныыга сылаас тохтобул баара абырал буоллаҕа.
Сэтинньи ортотуттан оптуобустар проспегынан сылдьан саҕалыахтара диэн СИА суруйар.
This post was published on 30.10.2023 17:03 17:03