Саха сиригэр Прокуратура тэриллибитэ 300 сылыгар саҥа мусуой аһылынна. Манна тэрилтэ сайдыытын туоһулуур сэдэх докумуоннары, бэтэрээннэр тус малларын, криминалистическай тиэхиникэни, архыып докумуоннарын, анал литератураны көрүөххэ сөп.
Мусуойу от ыйын 6 күнүгэр Ил Дархан Айсен Николаев уонна РФ генеральнай прокурорун Уһук Илин уокуругар солбуйааччы Дмитрий Демешин арыйдылар.
Криминалистическай аудио- уонна видеотехника, сэп-сэбиргэл, тэрилтэҕэ үлэлээбит дьон тус маллара: мундирдара, формалара, кителлэрэ, сэбиэскэй кэминээҕи прокурор кабинета мусуойу сэҥээрээччилэр болҕомтолорун тардыахтара.
Инникитин мусуойга интерактивнай дуоска турдаҕына хаартыскалары, видеоматырыйааллары көрдөрүүгэ туруоруохтара.
This post was published on 07.07.2021 12:30 12:30