24 Тохсунньу 24.01
  • -48°
  • $ 73,82
  • 83,32

Правительство Нам улууһун олоҕун билсэн барда

09:48, 16 мая 2016
Текст:

Ыам ыйын 11 күнүгэр Нам улууһугар Саха сирин Правительствотын председателэ Галина Данчикова, СР Үөрэҕин министрин бастакы солбуйааччы Эдуард Кондратьев, СР Экономикатын министрин солбуйааччы Данил Саввинов, СР Архитектураҕа уонна тутуу комплексын министрин бастакы солбуйааччы Павел Аргунов, Ил Түмэн депутата Алексей Еремеев үлэ былаанынан улууспутугар кэлэн, саҥа тутуллуохтаах социальнай объектарга уонна халаан уута куттала суох буолуутугар ыытыллар үлэ хаамыытын көрө-истэ кэлэ сырыттылар.


Кинилэр бастаан Партизан нэһилиэгэр өр сылларга туоруорсан-туруорсан киирбит саҥа оскуолаларыгар сырыттылар. Манна оскуола коллектива, үөрэнээччилэрэ, олохтоох дьаһалта үлэһиттэрэ, Нам улууһунааҕы үөрэх управлениетын салалтата, «Нам улууһа» МТ баһылыга Александр Атласов үөрэ-көтө көрүстүлэр. Партизан нэһилиэгин баһылыга Алексей Зырянов оскуола тутуутугар Правительство өҥөтүн сыаналаан туран Галина Иннокентьевнаҕа «Партизан нэһилиэгин Бочуоттаах гражданина» бэлиэни, үөрэнээччилэр ааттарыттан оскуола бастыҥ үөрэнээччитэ Сидорова Луиза оҕолор бэйэлэрэ оҥорбут дэйбиирдэрин үөрүүлээх быһыыга-майгыга туттардылар. Галина Иннокентьевна оҕолор төрөөбүт дойдуларын көрө-билэ сылдьалларыгар анаан оскуола библиотекатыгар «Якутия» диэн улахан суолталаах кинигэни бэлэхтээтэ. Ол кэнниттэн кэлбит ыалдьыттар оскуоланы көрдүлэр. Манна тутуу өттүгэр харгыстар тахсыбыттарын билиэтээтилэр.

Партизаҥҥа

Онтон салгыы Хамаҕаттаҕа кэлэн орто оскуола үөрэнээччилэрэ «Эрчим» спортивнай комплекска үөрэнэр олорор балаһыанньаларын көрдүлэр, үөрэнээччилэри кытта кэпсэттилэр. Санатан эттэххэ, Хамаҕатта орто оскуолата хаарбах туруктаах буолан сабыллан турар. Онон оҕолор түөрт сиринэн үөрэнэ сылдьаллар. Саҥа оскуола тутуллуохтаах үлэтин былаанын, бырайыагын олохтоох дьаһалта баһылыга Иван Максимов, орто оскуола директора Анатолий Дьяконов уонна Нам улууһун баһылыгын тутууга солбуйааччы Степан Матвеев билиһиннэрдилэр. Маннык түөрт сиринэн оҕолор үөрэнэллэригэр, оскуола коллективыгар ыараханын этэн туран, оскуола тутуутун түргэтэтэргэ туруорустулар. Таарыйа Хамаҕаттатааҕы саха-французксай лицейигэр сырыттылыр.

Хамаҕаттаҕа

Онтон Аппааныга тиийэн сынньалаҥ киинэ тутуллуохтаах сирин көрдүлэр. «Хатыҥ Арыы» МТ баһылыга Юрий Слепцов кэлбит салайааччыларга дьонун-сэргэтин көрсүһүннэрдэ, саҥа тутуллуохтаах сынньалаҥ киин бырайыагын, докумуон үлэтин хайдах эккирэтиһэн иһэллэрин билиһиннэрдэ, олохтоохтор үп көрүллэ охсон тутуу үлэтэ ыытыылларыгар, «Ылдьаа ыччаттара» общественнай түмсүү ыччаттара СК тутулла охсоругар баҕа санааларын эттилэр. Онтон дамба оҥоһулла илигинэ сылын аайы ууга барар Граф Биэрэгэр киирэн дамба оҥоһуутун көрдө. Манна Правительство председателин 1-кы солб. Виктор Омуков, гидрометцентр начальнига Александр Аржаков, СР Ууга сыһыаннаһыыларга департаменын салайааччыта Гаврил Слободчиков уо.д.а. халаан уутуттан харыстанарга туох үлэ бара турарын кэпсээтилэр.

0
0
24 января 24.01
  • -48°
  • $ 73,82
  • 83,32