21 От ыйа 21.07
  • 29°
  • $ 88,02
  • 96,04

"Поёт село родное" куонкурус Үөһээ Бүлүү эр дьонун ырыатын бастыҥынан билиннэ

15:33, 16 марта 2020
Текст:
Читайте нас на
Яндекс Новости
ЯДВ

Үөһээ Бүлүү улууһун «Ситим» эр дьон ансаамбыла Улуу Кыайыы 75 сылыгар анаммыт өрөспүүбүлүкэтээҕи куонкуруска Гран-При үрдүк аатын ылла. «Поёт село родное» ырыа туонатыгар 32 бөлөх кытынна.


Үөһээ Бүлүү улууһун «Ситим» эр дьон ансаамбыла «Поёт село родное» XVI Бүтүн Россиятааҕы ырыа куонкурсугар кыттар быраабы ылла. Кыайыылаахтар бэс ыйын 25-27 күннэригэр Чита куоракка ыллыахтара, хордар уонна ансаамбыллар тургутуһууларын ааһыахтара.

«Ситим» эр дьон ансаамбыла былырыын талааннаах ырыаһыппыт Гаврил Николаев сырдык кэриэһигэр анаммыт ырыа күрэҕин кэнниттэн тэриллибитэ.

Ансаамбылы Бүөтүр Тобуруокап аатынан Үөһээ Бүлүүтээҕи сынньалаҥ киинин дириэктэрэ Дмитрий Дьячковскай салайар. «Бөлөхпүтүгэр улууспут ырыаһыт талааннаах уолаттара киирэллэр. Бөлөх састаабыгар култуура идэлээх үлэһит уолаттары таһынан, техникум, уһуйаан уонна суут пристав идэлээх дьон бааллар. Үөһээ Бүлүү ыччата кэрэҕэ, сырдыкка тардыһарын, көхтөөх ыччатардаахпытын туоһулуур«, — диир кини

Следите за самым важным и интересным в Telegram-канале и WhatsApp-группе ЯСИА