Ахсынньы 21 — 23 күннэригэр «Полярные авиалинии» авиахампаанньа каассаларыгар «Бесплатный билет детям на регулярные рейсы по Якутии» саҥа дьыл иннинээҕи аахсыйа ыытыллар.
Улахан саастаах пассажир Кролик сылыгар төрөөбүт буоллаҕына, оҕотун сөмөлүөтүнэн бэйэтин кытта босхо билиэтинэн көтүтэр кыахтанар, икки хайысхаҕа (туда и обратно).
Босхо билиэт АХ рейстарыгар 2 — 12 саастарыгар көрүллэр. Оҕо төрөөбүт сыла оруолу оонньообот.
Маршруттар Дьокуускайтан бара -кэлэ: Баатаҕай, Белая Гора, Үөһээ Бүлүү, Бүлүү, Эдьигээн, Зырянка, Ленскай, Муома, Ньурба, Өлүөхүмэ, Өлөөн, Сааскылаах, Саккырыыр, Орто Халыма, Черскэй, Сунтаар, Тиксии, Усть-Куйга.
Аахсыйанан билиэт 2023 сыл тохсунньу 1 — кулун тутар 25 күннэригэр көтүүгэ ылыллар.
This post was published on 21.12.2022 17:01 17:01